होम सुवेदीह्याप्पी बड्डे हनुमानजी
अरुको भाँडमै जाओस् आफ्नो बेडा तार जता जान मन छ उतै खुट्टा फार मौका यही हो आफ्नो भार उतार सबै थोक गर है छर है आफ्नो गोजेरो भर है शुभकामना हनुमानजी ह्याप्पी बड्डे हनुमानहरू ।
होम सुवेदी :
सम्पूर्ण हनुमानहरू
आजको
तिम्रो जन्मजयन्तीमा
बधाईं भन्न चाहन्छु
जे भेट्छौ
गिजोलगाजल गर
मिलेका कुरा
छिरोल
शान्ति भङ्ग गर
खाने खाऊ
नखाने फाल
धुरीमा चढ्न फिरी छ
तिम्रै थाप्लामा सिरी छ
जे गर्न मन छ गर
जे छर्न मन छ छर
ओल्लो कित्ताबाट
पल्लो कित्ता सर
च्यातचुत पार
पाक्नु परेन
काँचै दाह्र
जे भेट्छौ सब झार
अरुको भाँडमै जाओस्
आफ्नो बेडा तार
जता जान मन छ
उतै खुट्टा फार
मौका यही हो
आफ्नो भार उतार
सबै थोक गर है
छर है
आफ्नो गोजेरो भर है
शुभकामना हनुमानजी
ह्याप्पी बड्डे हनुमानहरू ।
०००
भद्रपुर, झापा
Subscribe
Login
0 Comments
Oldest
