होम सुवेदीगणतन्त्र गीत
सिमाना छ सबैतिर बेचिएको आज मानौँ हाम्रो देश बेची खुनको सर्बत खायो राजै खुनको सर्बत खायो ॥ देशभित्र गणतन्त्र जबदेखि आयो भए जति युवालाई सौदी जान लायो ।
होम सुवेदी :
देशभित्र गणतन्त्र जबदेखि आयो
भए जति युवालाई सौदी जान लायो ।
हजुर सौदी जान लायो ।
बुढाखाडा बेत बसेका सत्ता ओगट्दै छन्
युवा जति कतार भेजी देशगीत गायो
हजुर देश गीत गायो ।
वृद्धाश्रम बनाएर बुढाबुढी राखी
गणतन्त्र यो जिनिसले साह्रै सुख पायो
हजुर साह्रै सुख पायो ।
जैलेदेखि मुलुकमा गणतन्त्र आयो
महंगी र आतङ्कले ठुलो मुख बायो
हजुर ठुलो मुख बायो ।
सिमाना छ सबैतिर बेचिएको आज
मानौँ हाम्रो देश बेची खुनको सर्बत खायो
राजै खुनको सर्बत खायो ॥
देशभित्र गणतन्त्र जबदेखि आयो
भए जति युवालाई सौदी जान लायो ।
हजुर सौदी जान लायो ।
०००
भद्रपुर, झापा
Subscribe
Login
0 Comments
Oldest
