भोलानाथ सुबेदीझटारो
आउँछु भनेर आश देखायो दिनभर दिनभर कति कुरायो सम्बन्ध जोड्दा छुट्छ भनेर उसले दही चिउरे बनायो ।
भोलानाथ सुबेदी :
हुन्छ भनेको होइन
हुँदैन भनेको होइन
व्यर्थमा ल्याप्चे लगायो
उसले दही चिउरे बनायो ।
पाइला चालेको देखियो ।
काम थालेको देखियो
उधारोमा सामान किनेर
उसले दही चिउरे बनायो ।
दिनभरि भोकै राखेर
बेलुका कुकर बसायो
बिना सामल सिठ्ठी लगायो
उसले दही चिउरे बनायो ।
खान पनि दिन्न भनेन
खाएर जानु पनि भनेन
दुवै तिर रित्तो बनायो
उसले दही चिउरे बनायो ।
आउँछु भनेर आश देखायो
दिनभर दिनभर कति कुरायो
सम्बन्ध जोड्दा छुट्छ भनेर
उसले दही चिउरे बनायो ।
०००
काठमाडौं
Subscribe
Login
0 Comments
Oldest
