लक्ष्मण नेवटियातीन टुक्रा कविता
पर्याप्त भएर पनि बिजुली न आउँदा भन्नै पर्यो भएको छ “लोडसेडिङ” । अनुरोध अब यही छ कि? बढी नकराउनुस् दिमागको फ्यूज सुरक्षित राख्नुस् न उडाउनुस् ।
लक्ष्मण नेवटिया :
पुस्तक विमोचन- १
विमोचनका बखत
भयो उपहार आदान प्रदान
फोटो तानातान
मीठो खानपान
खुब भयो नृत्य
सँगै गाना- बजाना ।
समीक्षा त के हुनु
पुस्तकको नावैं थियो
“खाली पाना” ।
लोडसेडिङ बनाम लोडसेडिङ- २
विद्युत पर्याप्त नभएर
बिजुली न आउँदा
भन्नै पर्यो भएको छ
“लोडसेडिङ” ।
पर्याप्त भएर पनि
बिजुली न आउँदा
भन्नै पर्यो भएको छ
“लोडसेडिङ” ।
अनुरोध अब यही छ कि?
बढी नकराउनुस्
दिमागको फ्यूज
सुरक्षित राख्नुस्
न उडाउनुस् ।
“सन्तोषी” सदा सुखी- ३
मेरो उत्तरकी छिमेकी
चन्द्रमुखीको लोग्ने सूर्यमुखी
सधैँ दुखी…
कारण एउटै
उसको उत्तरपट्टिको छिमेकी
“सन्तोषी” सदा सुखी ।
०००
विराटनगर
Subscribe
Login
0 Comments
Oldest
