नेपाली हास्यव्यङ्ग्य अनलाइन पत्रिका

लक्षमण नेबटिया :

रविबारको अखबार
लेखिएको थियो समाचार
टिक्दैन यो सरकार
सोमवार फेरि छापियो
समाचार
ढल्दैन यो सरकार
जब आयो मङ्गलबार
छापियो जाने पक्का छ यो सरकार
बुधबार त गजब भयो
पाँचौं पटक
मन्त्रिमण्डल विस्तार
बिहीबार सरकार स्वयं ढल्न भयो तयार
शुक्रवार छापियो, ढल्दैन सरकार
जब आयो अन्तिमबार शनिबार
एक सहयोगी दलले
बहिर्गमन गरी गर्‍यो बवाल
यो हाल र फालमा
जनता भई बेहाल सोध्छन्
के यही हो हाम्रो
सपनाको नेपाल ?

०००
विराटनगर
‘व्यङ्ग्यधाम’ (२०८०)