नेपाली हास्यव्यङ्ग्य अनलाइन पत्रिका

हरिप्रसाद चौँलागाईं :

छ कुमतिका पथमा मति त्यो ।
अझ अति नै खतको गति यो ॥
विटप चरा अब ती नमरून् ।
नहुनु भयो विपना नझरून् ॥१

अब त यता नद मात्र रह्यो ।
जलचरको घरबास गयो ॥
जनमन झन् अझ त्रास छ यो ।
जन सपना त मरे हद भो ॥२

भव भुमरी नित बढ्छ यतै ।
दिनकर हे गर शान्त सबै ॥
पशुपति बुद्धि दिउन् पशुको ।
प्रलय हटोस् जन भू स्थलको ॥३

छ कुसुमको सपना मनमा ।
पवन हुरी नबने वनमा ॥
सुन असिना मुजुरा नमरून् ।
तजबिज होस् विपना नमरून् ॥४

असुर हटुन् सुरको नगरी ।
अझ किन मर्कटको पगरी ॥
सुजन बुझौँ जन चेत भरौँ ।
अझ धमिरा भरमा नपरौँ ॥५

०००
काभ्रे