हरिप्रसाद चाैलागाइँकता काल भाग्यो ?
आनन्द खेत जलको छ समाधिभित्र फूल्छन् अहा ! कमलपुष्पहरू विचित्र लेख्दैन पुत्र पनि पत्र भनेर आमा भर्दै छु ताल घरकै म चिसो कुनामा ॥
हरिप्रसाद चौलागाईं :
खाडी युवा घर सधैँ अति रुग्णतामा
आगो बलेन घरमा विधि बाध्यतामा
हेरेर मार्ग बिकलाङ्ग अशक्त आमा
बस्छिन् कठै गह भरेर चिसो कुनामा ॥१॥
छैनन् घरैघर कतै युवती र बाला
बस्छन् सबै शहरमा सुर रोजगार
छानो चुहुन्छ घरको न त अन्न नै छ
ओछ्यान मै कुटिल घाम चरक्क लाग्छ ॥२॥
को हेर्छ आज घरमा छ सबै उजाड
पस्दैन यो घर कुनै पनि चाडबाड
हा कष्ट जङ्गलसरी घरबार नै भो
बारी अघाउँछ मजासँगले खरायो ॥३॥
आनन्द खेत जलको छ समाधिभित्र
फूल्छन् अहा ! कमलपुष्पहरू विचित्र
लेख्दैन पुत्र पनि पत्र भनेर आमा
भर्दै छु ताल घरकै म चिसो कुनामा ॥४॥
ऊ टिप्छ कष्टकरका पसिना कता हो
खप्दै हवाल म छु यो विधि तिर्सनाको
लाग्दैन बाँच्न मन यो अति हड्बडायो
लाँदै छ लौ अब त काल कता हरायो ॥५॥
०००
काभ्रे
मेरा सिर्जनालाई स्थान दिनुहु फित्कौली परिवार प्रति हार्दिक आभार