नेपाली हास्यव्यङ्ग्य अनलाइन पत्रिका

पदम दाहाल :

पैरो झरी ढाल्दछ रे सबार
गोलीविना बन्दुक चल्छ यार !
बाढी र वर्षा किन सङ्कटा हुन् ?
कठोरता दुर्जन दुर्दसा झन् ।१।

बाजा बजाईकन खै दसा त्यो ?
सङ्केत दी आउँछ के व्यथा त्यो ?
गाडी कठै गुड्दछ मृत्यु जुर्छ
बाढी घरै पस्तछ ज्यान पुर्छ ।२।

अचम्मको भेल कि यो सजाय ?
विमान बैमानी छ गिर्छ हाय !
विलाप भै दन्दन झर्नु पर्ने
भत्कोस गोदाम छ को सपार्ने ? ।३।

सबै थिए सेवक योग्य कर्मी
बेमौसमी बादल क्या अधर्मी !
पापिष्ठ कस्को अधितो छ खेल ?
भोगाउने को ? छ अनिष्ट धेर ।४।

भीमेश्वरैमा पसिना नआऊन्
दुष्चक्र उल्का शनि राहु जाऊन् !
अघोर घोरी कलि बर्बराइस्
मान्छे उभो छैन जुनी सताइस् ।५।

भत्कोस् रोक्नेछ कि कोटिहोम ?
उद्घोष खल्लो मलिलो मुहान
व्यापार झैं भाष्य गुहार द्रोही
परम्परा धर्म डकार कोही ।६।

०००
मादी न.पा. ६, सङ्खुवासभा
हाल, लोकन्थली, भक्तपुर ।