नेपाली हास्यव्यङ्ग्य अनलाइन पत्रिका

ईश्वर पोखरेल :

रणध्वज दाइ
भित्री वस्त्र नलिइकन
बाथरुममा नुहाउन पस्थ्यो
र, जस्तो पस्थ्यो, उस्तै निस्किन्थ्यो ।
हामी आश्चर्यमा गर्थ्याैं र मुखामुख गर्थ्याैं।
रणध्वज हाम्रो अनुहार पढ्थ्यो र भन्थ्यो—
‘हेर केटा हो, कट्टु चिसो पानीमा धोएर
गिजरको तातो पानीमा चोबल्नु पर्छ; सुक्छ ।’

रणध्वजको कुरामा सही थापेर वसन्ते भन्ने गर्थ्याे —
‘हो, हो, आफूसँग त्यही कट्टु मात्र छ भने
र, साँच्चै अप्ठ्यारै पर्‍यो भने
रणध्वज दाइलाई सम्झिनु पर्छ
बाथरुमको चुकुल सम्झेरै राम्ररी लगाउनु पर्छ
अनि चिसो पानीमा धोएर
गिजरको तातो पानीमा चोबल्दा कट्टु नसुकेर हुन्छ ?
सुक्छ ।’

०००
बोझेपोखरी, ललितपुर