नेपाली हास्यव्यङ्ग्य अनलाइन पत्रिका

लक्ष्मण नेवटिया  :

लाज-घिन पचेको-जहाँ पनि मचेको,
सहरको खुँखार गुन्डालाई,
जब सबैले बिहानै ल्याएर,
खुवाउनथाले दुध-फल-मिठाई,
उसलाई भयो खानलाई भ्याइनभ्याई,
अनि सोध्यो नजिकै बोलाएर मलाई,
आहा ! आज किन यस्तो हुँदैछ,
मान मनुवार मेरो, भनिदिनुस् न दाइ ?
गल्ती यही भयो, मैले नढाँटी
झल्याँस्स सम्झेर भनिदिएँ,
अरु केही होइन-आज नागपञ्चमीमा
नागलाई खुवाउनु पर्ने थियो दूध-फल-मिठाइ
तर कतै नाग नभेटेर प्रतिकात्मकरूपमा
खुवाउँदैछन् सहरवासीले तपाईंलाई।
ल मेरो पनि स्वीकार्नुस्
नागपञ्चमीको बधाई।
हरे ! किन भनिहालें,
सत्यतथ्य ठट्टा ख्यालमा,
बेमतलब तड्पँदैछु उसको कुटाई खाएर
कुच्चिएको लोटाझैं भएर- अस्पतालमा ।

०००
विराटनगर
nevatialk@gmail.com