साइबर अपराध सम्बन्धी सचेतना सामग्री

चाउरे पिरती

न संस्कार ताजा न ता धर्म, भाषा । म देख्दै छु साह्रै निराशै निराशा ॥ यता हान्छ यौटा उता टोक्छ अर्को । सधैँ कष्ट मात्रै बनेको छ बर्को ॥

Nepal Telecom ad

हेमराज पन्त :

असाध्यै छ माया बसे राग बाली ।
थियो नक्कले चालको हाल खाली ॥
डुले मार्ग गाई बिरालो छ भान्से ।
बुझी साध्य होला र यी दुष्ट मान्छे ॥ १

बसेको छ सम्मानको ओज पाली ।
खरानी बनायौ सधैँ राष्ट्र बाली ॥
कुहेको छ बेर्ना सरे साँध आली ।
बने श्वान जस्तै यहाँ हन्तकाली ॥ २

थियो धर्म, भाषा र संस्कार बेग्लै ।
झुठो लाखौंलाख थियो सत्य एक्लै ॥
मलाई म देख्थे बडो सन्त, ज्ञानी ।
लुटी राष्ट्र खाने उही देख्छु दानी ॥ ३

यहाँ ज्ञान,आचारको धार बुच्चो ।
बडो ज्ञानशाली बनेको छ छुच्चो ॥
तरक्कै बगे आँसुका भेल खोला ।
पराधीनले राष्ट्रको कोप छोला ॥ ४

कठै!देश मेरो बनी रङ्गशाला ।
कमेरो दली मस्त काला बिराला ॥
नयाँ वाद, नारा अनेकौं फलायौ ।
मियो देशको भाव सारा ढलायौ ॥ ५

न संस्कार ताजा न ता धर्म, भाषा ।
म देख्दै छु साह्रै निराशै निराशा ॥
यता हान्छ यौटा उता टोक्छ अर्को ।
सधैँ कष्ट मात्रै बनेको छ बर्को ॥ ६

०००
पाटन २ सिलङ्गा, बैतडी
हालः-पहलमानपुर, कैलाली

Subscribe
Notify of
guest

0 Comments
Oldest
Newest Most Voted
Nepal Telecom ad
भैंसीको दुखेसो

भैंसीको दुखेसो

हेमराज पन्त
पीडा

पीडा

हेमराज पन्त
गुनासो

गुनासो

हेमराज पन्त
म लाछी

म लाछी

हेमराज पन्त
आधुनिकता

आधुनिकता

हेमराज पन्त
जुकेबल

जुकेबल

हेमराज पन्त
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x