नेपाली हास्यव्यङ्ग्य अनलाइन पत्रिका

पदम दाहाल :

तिमी नेता भएर सिद्धियौ
कसैलाई फेटा बनाएर सिध्यायौ
नेताजी भयौ विकास उगाल्यौ
बेथा बटुलेर निकास गरायौ
सेता हात्तीको पालेर बगाल
दोहन गरिरह्यौ शिरा र स्रोतहरू
बोल्न सकेन बिचरा मेरो देश ।
फेरिरह्यौ आफूले काँचुली
चटकी भाषणले हेराइरह्यौ टुलुटुलु
बजाइरह्यौ फुटेको बाँसुरी
सधैँ लोभ्यायौ र खाइरह्यौ खुलुखुलु
सधैँ गुलाफ र गुराँस लेकबेँसी हुँदो
फुलिरह्यो उसरी नै
टाक्सिएको र मरन्च्याँसे
आँक्न नसक्ने गरी सुन्निएझैँ फिर्‍यो
तर, किन फिर्न सकेन
कठैबरा ! मेरो देश ।

०००
मादी न.पा. ६, सङ्खुवासभा
हाल, लोकन्थली, भक्तपुर ।