भोलानाथ सुबेदीसय अङ्क
बाढी नआएको भए पुल बगाएको भए मान्छे नमरेका भए तिमी विदेश नगएकी भए जनताले सरकार भेटेका भए तिमीले जिद्धी नगरेकी भए तिम्रो सय अङ्क आउने थियो ।
भोलानाथ सुबेदी :
एक दिन छोरीले भनी
बा म मास्टर हुन्छु
प्रश्न आफैं बनाउँछु
उत्तर आफैं लेख्छु
कापी आफैं जाच्छु
नम्बर आफैं दिन्छु
म अलमलमा परेँ
छोरीले सय अङ्कको
प्रश्न आफैं बनाई
उत्तर आफैं लेखी
कापी आफैं जाँची
सत्तरी अङ्क मात्र ल्याई
अगाडिबाट जोड्दा नि भएन
पछाडिबाट जोड्दा नि भएन
क्याल्कुलेटर थिच्दा नि भएन
पटक पटक जोड्दा नि
सय अङ्क आएन
छोरी अलमलमा परी
रुन थाली
मलाई गाली गर्दै दोष दिई
मैले भनेँ
छोरी
बाढी नआएको भए
पुल बगाएको भए
मान्छे नमरेका भए
तिमी विदेश नगएकी भए
जनताले सरकार भेटेका भए
तिमीले जिद्धी नगरेकी भए
तिम्रो सय अङ्क आउने थियो
अनुहारमा खुसी छाउने थियो ।
०००
काठमाडौं
९८४३०५४१६१
Subscribe
Login
0 Comments
Oldest
