राजेन्द्रप्रसाद अधिकारीपत्याउनुस् न, हो भन्या
मैले लाज र घिन जस्ता कुराहरु पनि त्यागेँ नैतिकतालाई चटक्कै बिर्सिदिएँ र अब लगाएको आफ्नो वस्त्र उतार्दै मानिसहरुको भीडलाई सम्बोधन गर्न सक्ने भएको छु ।
राजेन्द्रप्रसाद अधिकारी :
सिद्धान्तसँग पानी बाराबार छ आजकाल
आदर्शसँग भेट नभएको त कति भो कति
यही बीचमा मैले विचारलाई पनि चिन्नै छोडिदिएँ
कठिन तपस्या र लामो आन्तरिक शुद्धीकरण पश्चात्
मैले लाज र घिन जस्ता कुराहरु पनि त्यागेँ
नैतिकतालाई चटक्कै बिर्सिदिएँ
र अब लगाएको आफ्नो वस्त्र उतार्दै
मानिसहरुको भीडलाई
सम्बोधन गर्न सक्ने भएको छु
पत्याउनुस् न, हो भन्या,
साँच्चै म त हिजोआज
पार्टीको एक प्रभावशाली नेता भएको छु ।
०००
काठमाडौं
७ कार्तिक २०८१
Subscribe
Login
0 Comments
Oldest
