नेपाली हास्यव्यङ्ग्य अनलाइन पत्रिका

प्रमोद पोखरेल :

घर पोलेर खरानी बेच्नेहरू नै मुखिया देखिए,
त्यागेर मात्रै दैलो देख्नेहरू नै नाइके देखिए ।

बकम्फुसे बेतुके चिन्ता गर्नेहरूको
बगाल ठूलो देखिए,
अझै साँचो शान्ति खोज्ने मनहरू
अझै हजारौं हजार रहेछन् ।

तर पनि रङ्गीन आवरण
र भित्रको शून्यतामा,
खोक्रो सपना देखाएर
जवानी बेचिदिने दलालीको भिड देखिए !

जति नियालेर,
दुरबिन लगाएर हेरे पनि,
अन्ततः घर पोलेर
खरानी बेच्नेहरू नै मुखिया देखिए,
त्यागेर मात्रै दैलो देख्नेहरू नै नाइके देखिए ।
साँचो मनले शान्ति खोज्नेहरू दुःखी देखिए ।

०००
क्यालगरी, क्यानडा