नेपाली हास्यव्यङ्ग्य अनलाइन पत्रिका

भलादमी भोला :

आओ सबैजना आओ
महाधिवेशनतिर आओ
कोही कुखुराका खुट्टा चबाओ
कोही खसीको ह्याकुलो चबाओ
पेट उक्सिने गरी खाओ
आओ सबैजना आओ ।

हिजो अरुले पनि
पसारिने गरी खाएकै हुन्
पचाउन नसकेर
अस्पताल धाएकै हुन्
आज तिमीहरूले पनि खानै छ
खानमा विभेद कसले गर्छ
यस्तो गर्मीमा के हेरेर बस्छौ
कोही मोही अठ्याओ कोही पानी अठ्याओ
आओ सबैजना आओ ।

बियर खाएर डियर बनेकाहरू
नारायणी तीरमा डेटिङ जाओ
कोही तासमा बस कोही खालमा बस
आफ्नै नियम कानुन बनाओ
जसको दाउ लाग्छ
उसैको पाउमा शिर टेकाओ
आओ सबैजना आओ ।

न वाद छ न विचार छ
दर्शन बिनाको गर्जन छ
गाडीको ब्रेक फेल भइसक्यो
राम राम भन्न आओ
आओ सबैजना आओ ।

०००
९८४३०५४१६१
ओखलढुंगा