सुभाषचन्द्र देवकाेटाकिन भने उहाँ त्यस्तै हुनुहुन्छ
सबै कुरा गर्नु हुन्छ तर सत्य कुरा बोल्नु हुन्न । उहाँ चाकरी गर्नु हुन्छ चाकरी खोज्नु हुन्छ सबै कुरा गर्नु हुन्छ तर सत्य कुरा बोल्नु हुन्न । किन भने उहाँ त्यस्तै हुनुहुन्छ ।
सुभाषचन्द्र देवकोटा :
उहाँ कुम हल्लाउनु हुन्छ
जुँगा चलाउनु हुन्छ
आँखा झिम्क्याउनु हुन्छ
तर सत्यकुरा बोल्नु हुन्न ।
उहाँ मन्दिर धाउनु हुन्छ
भजन गाँउनु हुन्छ
सत्ता उक्लिनु हुन्छ
झर्नु हुन्छ
पिउनु हुन्छ
पिलाउनु हुन्छ ।
सबै कुरा गर्नु हुन्छ
तर सत्य कुरा बोल्नु हुन्न ।
उहाँ बेलुन जस्तै फुल्नु हुन्छ
फुलाउनु हुन्छ
उड्नु हुन्छ
उडाउनु हुन्छ
फुट्नु हुन्छ
फुटाउनु हुन्छ
सबै कुरा गर्नु हुन्छ
तर सत्य कुरा बोल्नु हुन्न ।
उहाँ नाच्नु हुन्छ
नचाउनु हुन्छ
आदेश मान्नुहुन्छ
आदेश दिनुहुन्छ
उफ्रिनु हुन्छ
उफार्नु हुन्छ
सबै कुरा गर्नु हुन्छ
तर सत्य कुरा बोल्नु हुन्न ।
उहाँ मालिक रिझाउनु हुन्छ
मालिक बन्नु हुन्छ
झोला बोक्नु हुन्छ
झोले बनाउनु हुन्छ
सबै कुरा गर्नु हुन्छ
तर सत्य कुरा बोल्नु हुन्न ।
उहाँ चाकरी गर्नु हुन्छ
चाकरी खोज्नु हुन्छ
सबै कुरा गर्नु हुन्छ
तर सत्य कुरा बोल्नु हुन्न ।
किन भने उहाँ त्यस्तै हुनुहुन्छ ।
०००
गोरखा, हाल काठमाडौं
Subscribe
Login
0 Comments
Oldest
