नेपाली हास्यव्यङ्ग्य अनलाइन पत्रिका

होम सुवेदी :

गन्धेहरू छन् कति सुँघ्नु मैले
मन्त्री छ साँढे कति रुँग्नु मैले
घाँडो भएँ सांसद मात्र बन्दा
लडाइँ गर्ने पनि छैन धन्दा ॥१॥

कुर्सी र सोफा कति तोड्नु व्यर्थ
जितेर भोटै पनि छैन अर्थ
उँघ्दै म यो जीवन के बिताऊँ
मन्त्री नबन्दै म कता बिलाऊँ ॥२॥

भोले म यो भाकल गर्छु आज
डुबेछ जस्तो हुन गो जहाज
रित्तो लिई हात कता म जाऊँ
मन्त्री हुने काज खटाइपाऊँ ॥३॥

भैँमा परेँ माथि चढाइदेऊ
र भ्रष्टको मन्त्र पढाइदेऊ
छ सात वा आठ करोडले के
हसुर्न पुग्ला र बढाइदेऊ ॥४॥

क्रमशः

०००
भद्रपुर, झापा