डा. लोकेन्द्रप्रसाद पौड्यालआशिर्वादको पुर्पुरो
पाएसम्म भ्रष्टाचार पचाइदिने मान्छे उजुर पर्दा माथिकाले बचाइदिने मान्छे नेताजनले पत्याएका आफन्तजन मान्छे जति खोट लागे पनि उनका आफ्ना मान्छे ॥
डा. लोकेन्द्रप्रसाद पौड्याल :
आशिर्वादको पुर्पुरोले
चम्किएका मान्छे
सानादेखि ठुला पदमा
गम्किएका मान्छे
ओहदाको पहँुचमा
डटेका ती मान्छे
सार्वजनिक पदहरुमा
अटेका ती मान्छे
योग्यता र अनुभव
कम भएका मान्छे
तर पनि अवसर छोप्ने
दम रहेका मान्छे
पाएसम्म भ्रष्टाचार
पचाइदिने मान्छे
उजुर पर्दा माथिकाले
बचाइदिने मान्छे
नेताजनले पत्याएका
आफन्तजन मान्छे
जति खोट लागे पनि
उनका आफ्ना मान्छे ॥
०००
काठमाडौं
Ekdam sahi Dr saheb