डा. लोकेन्द्रप्रसाद पौड्यालअतिथिको बेथिति
एकैछिनमा भाषण गर्छन बेलिविस्तार खोल्दैे आग्रा–गाग्रा सवै जोड्छन् तथानाम बोल्दै आयोजकले कतिसम्म यिनका जिम्मा बोक्ने ? अथितीको बेथितिलाई कसले होला रोक्ने ?
डा. लोकेन्द्रप्रसाद पौड्याल :
बोलाएको अतिथिज्यू
कार्यक्रममा ढिलो
पर्खाइ गन्दै सहभागी
पुरै थिलथिलो
चलनै छ भि.आई.पि. को
ढिलो आउने बानी
तैनि ल्याउछन् आयोजकले
तिनलाई छानिछानी ?
ढाकछोप गर्छन् उद्घोषकले
व्यस्तताको नाउँमा
झुट कुराको मलम लाउँछन्
पर्खाईको घाउमा
त्यत्तिकैमा आईपुग्छन्
नेता हात जोडी
समयको मान्यतालाई
लाज पचाउदै तोडी
एकैछिनमा भाषण गर्छन्
बेलिविस्तार खोल्दैे
आग्रा–गाग्रा सवै जोड्छन्
तथानाम बोल्दै
आयोजकले कतिसम्म
यिनका जिम्मा बोक्ने ?
अतिथिको बेथितिलाई
कसले होला रोक्ने ? ॥
०००
काठमाडौं
बेथितिका अतिथि यी बन्छन् सधैँ घाँडो।
किन हाल्छन् आयोजकले यिनलाई खोले फाँडो ?
सटिक चित्र