नेपाली हास्यव्यङ्ग्य अनलाइन पत्रिका

बालकृष्ण खनाल :

बाच्छाले डरलाग्छ भन्छ बिचरा, साँडे सधै जुद्धछन्।
देखाई रमिता सधा सदनमा, खाँदापिंदा जुट्दछन्।।
साच्चै सत्तुर झै कटाक्ष गरदै, गर्छन् अझै भाषण।
आएको कमिसन बसेर सँगमा, लाग्छन् बिलो बाँणन।।

मर्छन् खान नपाइ गाउँ घरका, बाच्छा र बाच्छी उता।
जान्छन् ती महँगा रिसोट दिनकै साँडेहरूले यता।।
बाच्छा देख्न हुँदैन गाउँघरमा, पुग्छन् तही साँडले।
गर्छन् मोल र तोल दुष्ट जनले, बोलेर जो प्यारले ।।

रित्तो भो अब गोठ बृद्ध पसुको, को गर्छ सेवा भन।
यस्तो हालत आज गाउँघरको, देखेर रोयो मन।।
गर्छन् शासन साँड बृद्ध जनमा, खेदी युवाको सब।
रित्ती गोठ भए सबै समरका, के हुन्छ होला अब।।

नारी मस्त जवान एक घरमा, छोडेर जान्छौ किन।
लाखौँ लाख खुवाइ दुष्ट जनको, जान्छौ लगाई रिन।।
भोको मर्न परेन पुर्बजहरू, खोर्सेर माटो बसे।
कोही दु:ख गरे पहाड तिरनै, कोही तराई पसे ।।

०००
टिकापुर, कैलाली