नेपाली हास्यव्यङ्ग्य अनलाइन पत्रिका

डा. श्यामप्रसाद न्यौपाने :

कौवाहरूका आँखाले देख्दैन
खेतखलिहानमा लहलह झुलिरहेका
अनि तिनका मालीहरू
सुवर्णमय अन्नबालीहरू
देख्दैनन् धर्ती सजाउने
रङ्गीबिरङ्गी फूल
जिन्दगी हेर्दैनन्
मायाले बेर्दैनन्
उनीहरूको अर्जुनदृष्टि
केवल खासमा हुन्छ
दुर्गन्धित लासमा हुन्छ ।
कौवाहरू
जस्तो कि –
मनका काला हुन्छन्
सुकेको होस् वा हरियो
थाप्लो होस् वा बरियो
तिनका पेटमा तिखा भाला हुन्छन्
आवरणजस्तो भए पनि
उच्च स्थानमा दुर्गन्धित पाइला
टक्क टेकेर काँऽऽ काँऽऽ कराए
भयो कौवाहरूले
जतिसक्दो बेथिति गराए
भयो ।

०००
(shyamneupane974@gmail.com)