नेपाली हास्यव्यङ्ग्य अनलाइन पत्रिका

डा. श्यामप्रसाद न्यौपाने :

१.
गोरो गए कालो आउँछ अवश्य पनि
झुत्रो गए टालो आउँछ अवश्य पनि
राजनीतिमा लागिहाल्नु होला हजुर
देश लुट्ने पालो आउँछ अवश्य पनि ।

२.
भजनकीर्तनमा रजाउँदैमा ठिक्क छ सबैलाई
जनताको नाम भजाउँदैमा ठिक्क छ सबैलाई
देश र जनताको चिन्तन कसले गरोस् र यहाँ
आफ्नै डम्फु बजाउँदैमा ठिक्क छ सबैलाई ।

३.
जबर्जस्तीलाई के थिति मान्नू
थाङ्नाथरालाई के झिटी मान्नू
लोभीपापीकै बिगबिगी छ यहाँ
अवसरवादलाई के राजनीति मान्नू ।

०००
नवलपरासी