अमृत अधिकारीसबै मिसन पूरा
जस्ले गल्ती गर्ने, उस्ले खल्ती भर्ने मन चोर्ने मान्छे मात्रै, सधैँ खोरमा पर्ने । फेसन भन्दै टेन्सन दिने, श्रीमती र भुरा पेन्सन पाके मात्रै यहाँ, सबै मिसन पूरा ।
अमृत अधिकारी :
आज पिरमा भोलि भिरमा, पर्सि माइतीघरमा
निकोर्सिमा निको हुने, आन्दोलनकै भरमा ।
जो पनि आफ्नै सुरमा, कस्को छ र टुङ्गो
कसैलाई नि बाल छैन, डुलि हिँड्छ बुङ्गो ।
कामचोरको काम छैन, सधैँ कुरा काट्ने
लामो हात गर्न पाए, सिधै खुट्टा तान्ने ।
औषधी नै कम भए, बढ्न थाल्छ दम
रोग सङ्ग लडे नि, पड्किहाल्छ बम ।
लाखौँ जनता अरब गए, हजार कमाउन
घुस खाने नेता आए, करोड पचाउन ।
खाएपछि पचाई हाल्ने, लाजै नमानी
नानीदेखि लाग्या बानी, जाँदै नजानी ।
सिन्को पनि नभाँच्निले, दाउरा कहिले चिर्ने
खान पाए फोकटमा, पर्म कस्ले तिर्ने ।
जस्ले गल्ती गर्ने, उस्ले खल्ती भर्ने
मन चोर्ने मान्छे मात्रै, सधैँ खोरमा पर्ने ।
फेसन भन्दै टेन्सन दिने, श्रीमती र भुरा
पेन्सन पाके मात्रै यहाँ, सबै मिसन पूरा ।।
०००
बैरेनी- ९, धादिङ
Subscribe
Login
0 Comments
Oldest
