नेपाली हास्यव्यङ्ग्य अनलाइन पत्रिका

बालकृष्ण खनाल :

देखिन्छन् मनका अभाव सजिलै, आँखा फुटे तापनि
रोकिन्नन् मनका तरङ्ग कहिल्यै, गोडा टुटे तापनि।
पूरा हुन्न कसै गरेर मनले चाहे जतीको सब
मर्ने बख्त भयो पुगेन कहिल्यै, जोडेर त्यो वैभव।।१

खाने आन्न र वस्त्र लाउनपुगे भैगो मलाई भनी
भान्ने मानव यो पुरै जगतमा भेटिन्न कोही पनि।
शय्यामा छटपट हुँदा समेत जनले जोडी रहे सम्पति
यो संसार भरी भयो अब पुग्यो, भन्नेहरू छन् कति।।२

गर्छन् पाप भुलेर धर्म सजिलै, मारेर निर्धा जन
गर्छौ पापकती कठोर हुनगै, पोल्दैन तिम्रो मन।
खान्छौ भाग तिमी कठै गरिबको, मारेर खाने मुख
पैसा मात्र टिपेर यो जगतमा, भेटिन्न तिम्रो सुख।। ३

घाँटी छाम र गाँस हाल मुखमा, सन्तोस मानीकन
मीठो लाग्छ अती खुसी मन भए, सागपात खाएपन।
मीठो हैन रहेछ भोजन हुने, मीठो हुने भोक हो
लोभी बन्न हुँदैन रैछ जन हो, त्यो लोभ नै रोग हो।।४

अर्काको धन माल हेर्छ जसले, पापी उहीँ हो बुझ
तड्पीरन्छ सदा सदा मनमनै, मिल्दैन उसको सुख।
गर्छौ पाप तिमी लुकेर भवमा, देखेन कोही भनी
केहो आत्म र त्यो परात्म नबुझी, पर्छौ नरकमा अनि।।५

०००
टिकापुर, कैलाली