नेपाली हास्यव्यङ्ग्य अनलाइन पत्रिका

गायत्री लम्साल :

आँखामा पावर थपेर
विकास हेर्नलाई बाहिर निस्कदा
सिँहदरबारमा जात्रा,
अदालतमा जात्रा,
मिडीयामा जात्रा,
प्राकृतिक स्रोत साधनमा जात्रा ।

भाषा, कला र संस्कृतिमा जात्रा
आयात, निर्यात र व्यापारमा जात्रा
सबै तहको शिक्षामा जात्रा ।
समग्र मुलुकको नीतिमा जात्रा ।
देश, काल र परिस्थितीमा जात्रा ॥

सबै उपदेश र मन्त्रमा जात्रा
अहिलेसम्मका सबै तन्त्रमा जात्रा
सबैका भाषण र आसनमा जात्रा ।
सित्तैमा बाँड्ने रासनमा जात्रा
सबैको मन, वचन र कर्ममा जात्रा
मर्म, सर्म र धर्ममा जात्रा ॥

ए हजुर हामी त,
एक्काइसौँ शताब्दीका डनहरू
सबै कुरो बनाइसकेर डेट अफ भैसक्यो
तर,
हाम्रा सग्ला आँखाले
विकास देखिने चश्मा कहिले बनाउने ??

०००
स्याङ्जा