साइबर अपराध सम्बन्धी सचेतना सामग्री

फोहोरी देख्यौ मलाई ?

धर्तीको ऋण खाएर माटोलाई माया मारेर पेटमा किरा परेझैँ अपमान मेरो गरेर । कुन शक्तिको सामुमा त्यो तिम्रो शिर झुकाई कुन चश्माले हेरेर फोहोरी देख्यौ मलाई ?

Nepal Telecom ad

प्रेम घिमिरे “अग्निकवच”:

खेत र बारी खनेर माटोमा प्यार रोप्छु म
कोदालो, कुटो साक्षी छन् हलो र जुवा बोक्छु म।
धर्तीको माटो पवित्र शिरमा टीका लगाई
समृद्धि ल्याउन खट्दछु फोहोरी भन्छौ मलाई ?
।१।

भ्रष्टाचार कहिल्यै गर्दिनँ षड्यन्त्र कहिल्यै रच्दिनँ
सृष्टि नै मेरो धर्म हो कर्ममा पछि हट्दिनँ ।
सिर्जनाको बीउ रोपेर शक्तिको स्रोत फलाई
दुनियाँ पाल्ने ब्यक्ति म फोहोरी भन्छौ मलाई ?
।२।

अन्याय मान्दै मान्दिन लुसिफर बन्न जान्दिनँ
पर्दाको पछि लुकेर माछालाई जाल हान्दिनँ ।
नुनको सोझो नगर्ने ध्वंसको खेती लगाई
हिंसाको बीउ रोपेर फोहोरी भन्छौ मलाई ?
।३।

खुराक मेरै खाएर रवाफ कसलाई देखाको
पसिना चुहाई धर्तीमा पाइला कसले टेकाको।
श्रमिकको गुन बिर्सेर किसान पोल्ने सलाई
ऐनामा मुख नहेरी फोहोरी भन्छौ मलाई ?
।४।

धर्तीको ऋण खाएर माटोलाई माया मारेर
पेटमा किरा परेझैँ अपमान मेरो गरेर ।
कुन शक्तिको सामुमा त्यो तिम्रो शिर झुकाई
कुन चश्माले हेरेर फोहोरी देख्यौ मलाई ?
।५।

०००

Subscribe
Notify of
guest

0 Comments
Oldest
Newest Most Voted
Nepal Telecom ad
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x