नेपाली हास्यव्यङ्ग्य अनलाइन पत्रिका

हरिप्रसाद उप्रेती :

तपाईलाई न्यायाधीशमा छनौट गर्नु पूर्व नै
आफूलाई जाँच्नुस् के म न्यायाधीश हुन लायक छु ?

तपाई न्यायको कुर्सीमा बिराजमान हुनु अघि
आफै परीक्षा लिनुस् कि म त्यो कुर्सीमा बस्न योग्य छु ?

मुद्दाको मिसिल पल्टाउनु अघि आफैलाई सोध्नुस्
के म यो मुद्दा फैसला गर्न निस्पक्ष छु ?

वकिलको बहश सुन्नु अघि निर्णय गर्नुस्
के म पूर्वाग्रहरहित भएर बहश सुन्दैछु ?

फैसलाको निर्णयाधार लेख्नु भन्दा अगाडि प्रश्न गर्नुस्
के म फैसलाको निर्णयाधार लेखेर सत्य न्याय दिदैछु ?

फैसला र आदेशमा सही गर्नु अघि आफैसित सोध्नुस्
के तपाईंले फैसला आदेशलाई हार्नेले पनि चित्तबुझाउने ठाउँ छ ?

इन्साफ गर्दा सोच्ने गर्नु भएको छ
तपाईं न्यायाधीश पदबाट निवृत हुँदा जनताले कसरी सम्झेलान् ?

हो !
यदि न्यायाधीश बन्न चाहान्छौ भने तिम्रा पाइला पाइलामा
यिनै र यस्तै अन्य प्रश्नको जवाफ मागिनेछ ।

०००
काठमाडाैं