हरिप्रसाद उप्रेतीबोकेको मान्छे
योग्यता क्षमता हुनेको तुजुक झर्छ बोकेकालाई देखेर उ लुथ्रुक्क पर्छ आफ्नै योग्यता क्षमता तर्फ व्यङ्ग्य गर्छ मर्ने बेलामा मात्र प्रायश्चित्त गरेर मर्छ ।।
हरिप्रसाद उप्रेती :
कसैले बोक्नु नै उसको सौभाग्य हो
न त उसँग कुनै क्षमता चाहिन्छ
न त कुनै योग्यता नै चाहिन्छ
न त कुनै प्रतियोगिता नै व्यहोर्नु पर्छ ।।
रोजी छाडी गरेर उसलाई पद मिल्छ
आज भन्दा भोलि अनि भोलि भन्दा पर्सि
क्रमश: उ पदसँगै उचालिदै जान्छ
मानौ आकर्षक पदहरू उनकै लागि सिर्जिएका हुन् ।।
केवल उसले उनको साथ पाउनु पर्छ
उसबाट उनलाई फलिफाप हुनुपर्छ
कहाँ जाने कहिले जाने योजना मात्र बुन्नुपर्छ
परदेशको कि स्वदेशको हो त्यति मात्र चुन्नुपर्छ।।
बोकिए पछि आफूलाई केको डर
बोक्नेले नै होसपुर्याउनु र डराउनुपर्छ
खर्चबर्च सबै उतैबाट टर्छ
तीन पुस्तासम्म टन्न पुर्याउनुपर्छ ।।
योग्यता क्षमता हुनेको तुजुक झर्छ
बोकेकालाई देखेर उ लुथ्रुक्क पर्छ
आफ्नै योग्यता क्षमता तर्फ व्यङ्ग्य गर्छ
मर्ने बेलामा मात्र प्रायश्चित्त गरेर मर्छ ।।
०००
काठमाडाैं
हाम्रो समाज। बधाई।