भोलानाथ सुबेदीकुटी महिमा
पुँजीपति सम्भ्रान्तका सुख सयल बढ्दै गए गरिबीको संख्या बढ्छ कुटीहरू बन्दै गए । बुद्ध बन्न खोज्दैछन् ती नरभक्षी स्यालहरु एकोहोरो कराउँछन् विचारहीन बादशाहहरू
भलादमी भोला :
उनको कुटी देखेपछि
मेरो घरलाई लाज लाग्यो
महल पनि मुर्छा खायो
दरबार त बसाईं गयो ।
कुटी भित्र को को बस्छन्
एउटै जिल्ला अट्ने भयो
जनताको झुपडी त्यो
सधैँ पानी पस्ने भयो।
पुँजीपति सम्भ्रान्तका
सुख सयल बढ्दै गए
गरिबीको संख्या बढ्छ
कुटीहरू बन्दै गए ।
बुद्ध बन्न खोज्दैछन् ती
नरभक्षी स्यालहरु
एकोहोरो कराउँछन्
विचारहीन बादशाहहरू
रगतको होली खेली
आउँदै थिए शासकहरू
दौलत सबै खरानी भो
ठड्याउने रे कुटीहरू ।
०००
ओखलढुङ्गा
(९८४३०५४१६१)
Subscribe
Login
0 Comments
Oldest
