नेपाली हास्यव्यङ्ग्य अनलाइन पत्रिका

भलादमी भोला :

यी लामखुट्टे कहाँबाट आए
हातमा पुल्ठो लिई दरबार जलाए
घोडाको लिदी पकवान सम्झी खाए
जनताको गिदी सितन पो बनाए ।

खुन चुसेर शरीर पोटिलो बनाए
हामीले लगाएको गुन कता हराए
आफ्नै घर छोडेर भाग्नुपर्ने भय
यी लामखुट्टे कहाँ कहाँबाट आए ।

भाग खोसेर जन्मोत्सव मनाउने
हाम्रो पेट भोको उनीहरू अघाउने
भान्सा, बिस्तारा, बैठक र चोटा
यी लामखुट्टे के साह्रो मोटाका ।

देशको ढुकुटीमा यिनैको साइरन
अड्डा अदालत पार्छन् रे रछ्यान
राँको झोसेर खरानी ताप्ने दाउ
यी लामखुट्टे लगार्न कोही त आउ ।

०००
ओखलढुङ्गा
(९८४३०५४१६१)