नेपाली हास्यव्यङ्ग्य अनलाइन पत्रिका

पुरूषाेत्तम सिग्देल :

बैरीमा खेल्ने हाे बिस्तारै बिस्तारै
बाधा हुन् झेल्ने हाे बिस्तारै बिस्तारै
यात्रामा बढ्ने हाे काँडा हुन् बाटामा
पन्छाई हिँड्ने हाे बिस्तारै बिस्तारै

छेकाबारा नै हुन् अग्ला नाघ्नैपर्ने
फ्याँकी जम्मै बढ्ने बिस्तारै बिस्तारै
छिर्के लाग्ने गर्छन् साेझालाई ज्यादा
हाेसी हाेऊ जैले बिस्तारै बिस्तारै

मैमत्ता जागेमा भर्दिन्छन् खाल्डामा
मीठाे बाेली देऊ बिस्तारै बिस्तारै
जित्नेहाे कामैले हर्दं बाेकी निष्ठा
स्वीकार्ने उठ्नेछन् बिस्तारै बिस्तारै

भाँजाे हाल्ने हुन्छन् बैमानीका जत्था
दुत्कार्ने लुक्ने छन् बिस्तारै बिस्तारै
शैलेन्द्रै टेकिन्छन् बिस्तारै बिस्तारै
तारा नै भेटिन्छन् बिस्तारै बिस्तारै

ढाेग्ने छन् गाेडिन्छन् बिस्तारै बिस्तारै
भुक्ने छन् छाेडिन्छन् बिस्तारै बिस्तारै
घुम्ने धर्ती जस्तै बिस्तारै बिस्तारै
चुम्ने ऐश्वर्यै हाे बिस्तारै बिस्तारै

बाेक्ने कालापानी बिस्तारै बिस्तारै
झाेस्ने नालापानी बिस्तारै बिस्तारै ।

०००
काठमाडाैं