नेपाली हास्यव्यङ्ग्य अनलाइन पत्रिका

१.
प्रधानमन्त्रीका तीन गोजी फोन
मन्त्रीहरूका छैनन् त्यस्ता फोन
मन्त्रीहरूसँग त सुनै सुन
हिरा मोती पन्ना छन् ।
किलोका किलो चाँदी छन्
हाम्रा प्रधानमन्त्री कुमार हुन्
दाइजो तिनले पाएकै छैनन्
अनि कहाँ हुन्छ तिनीसँग सुन ?
देशमा भएका उद्योगधन्दा
मन्त्रीहरूकै शेयरमा चलेको सुन्दा
जनताले धन्यवाद दिनै पर्छ
अझै जोड, अझै कमाऊ
नाति नातिनालाईसम्म पुर्याउ ।

२.
अस्ती, पानीको मूल्य बढ्यो
हिजो दूधको मूल्य वढ्यो
आज तेलको मूल्य बढ्यो
अब बिजुलीको भाउ वढ्छ
अब चाँडै स्कुलको फि वढ्छ
मान्छेको भने भाउ घट्छ
कमाइ नहुनेको ढाड सेकिन्छ
बाँच्न अब गाह्रो हुन्छ ।

३.
जति बढे पनि घाटै घाटा
आयल निगममा टाठाबाठा
चार बीसमा किनेर सात बीसमा बेच्छ
आयल निगम पो चुर्लुम्म डुब्छ ।

२०७० फागुन ३०
तिनथाना, काठमाडौं