नेपाली हास्यव्यङ्ग्य अनलाइन पत्रिका

आजभोलि बूढाहरु सडकमा सुत्छन् ।
अझ उल्टै प्रहरीले उनैलाई कुट्छन् ।।
आफूचाहिँ तरुनो छु ठान्छन् सेता दाह्री ।
यिन्कै घरमा झाङ्गेको छ ठूलो सिस्नोघारी ।।
के के गर्छौ पसेर कुना, धोती झर्यो देखियौ नौतुना, होश गरे है ।

माल मात्रै हल्लाउँछन् विश्वबैङ्के दाह्री ।
कमिसनमा रमाउँछन् मुख मीठो पारी ।।
तेल ग्याँस सधैँभरि लैनो गाई यिन्को ।
सडकमा लाइन भो रातविहान दिन्को ।।
उद्योगधन्दा बेचेर खाने, बानी भयो सम्पत्ति कमाउने, होश गरे है ।

गुण्डालाई समाउँदा हानदेव रोए ।
खरेलले पेल्यो भनी मनको गाँठो फोए ।।
गुण्डालाई समातेर पार्टी सक्ने दाऊ ।
खबरदार प्रतिगामी खरेल भो हाउ ।।
धोती झर्यो देखियो घारी, कति लुक्छौ पार्टीको छेलपारी, होश गरे है ।

लालबाबु आयो फेरि टाउको दुखाउन ।
डिभि अनि पिआरको शक्ति सुकाउन ।।
नेताजस्तै कर्मचारी पनि भए सुरा ।
मुखमात्र रामराम व्यवहारमा छुरा ।।
लालबाबु नोटले हिर्काउलान्, भित्रैबाट राष्ट्रवाद सिकाउलान्, होश गरे है ।

धादिङ, हाल काठमाडौं