साइबर अपराध सम्बन्धी सचेतना सामग्री

यहाँ यस्तै यस्तै हुन्छ

Nepal Telecom ad

हो गल्ती मेरा हो । मैले नै उनलाई भन्न सक्नुपर्ने । उनले पनि त भनेको भए हुन्थ्यो । तर कसरी भन्ने ? अहिलेसम्म एकपटक पनि त बोलचाल भएका छैन । के थाहा ? उनको सोचाई अर्कै पो छ कि ! दुई चार पटक देखादेख हुँदैमा मैले यस्तो नसोच्नु पर्ने । किन ? के भो मलाई ?

ऊ एक्लै गुनगुनाइरहेको थियो । यत्तिकैमा भित्ते घडीले नौ बजेको घण्टी हान्यो । हत्तपत्त उठेर तयार भई अफिस जाने तरखरमा लाग्यो । ढिलो भैसकेको थियो, त्यसैले अलिकति हतारमा थियो ऊ । तर आज पनि उनी त्यहीँ थिइन् जहाँ सधैं बस्ने गर्थिन् । उनलाई पनि अफिस जान ढिलो भैसकेको थियो, तर शायद उनी पनि ‘ऊ’ नआएकाले गैसकेकी थिइनन् । जे होस् भेट भयो । दुवैजना आ–आफ्नोे तर्फबाट हाँसिदिए ।

आज चाहिँ ऊ बोल्ने हिम्मत गरेर उनको नजिकै गयो । “तपाइँको शुभ नाम ? कहाँ काम गर्नुहुन्छ ? सधै यहीँ देखिन्छ नि !” उनले पनि जवाफमा भनिन्– “अन्जना, एक प्राइभेट कम्पनीमा, अनि तपाइँको नि ?” “मेरो बिमल, म पनि प्राइभेट कम्पनीमै ।” उसले जवाफ दियो । “जबदेखि तपाइँलाई देखेँ, मलाई कताकता अनौठो लागेर आएको छ ।” मन दरो बनाएर अगाडि भन्न थाल्यो । “तपाइँलाई एउटा कुरा भन्नु थियो । खै कसरी भनुँ ?” “भन्नुस् न, किन ? त्यस्तो अप्ठेरो मान्नुपर्ने के नै पो होला र ?” उनले भनिन् । यत्तिकैमा परबाट एकजना भलादमी त्यहीँ आइपुगे । अन्जनाले, बिमललाई– “उहाँ मेरो श्रीमान्” भन्दै उक्त भलादमीसँग परिचय गराइन् । आज अफिस बिदा लिएर आएको पनि बताइन् । उनी त्यहाँबाट आफ्नोे श्रीमान्सँगै गइन् ।

यता ऊ पनि घरमा आई सोफामा थचक्क बसेको मात्र के थियो, उसकी पत्नी आएर– “के भयो ? किन अफिस नजानु भएको ?” भन्दा पो ऊ झसङ्ग भयो । प्रतिउत्तरमा उसले भन्यो– “समयमा पुग्न सकिएन, त्यसैले फर्केर आएको ।”

पोखराथोक, पाल्पा

Subscribe
Notify of
guest

0 Comments
Oldest
Newest Most Voted
Nepal Telecom ad
उमेर भनेकै यस्तै हो

उमेर भनेकै यस्तै हो

अनिल कोइराला
लुटको खेती

लुटको खेती

अनिल कोइराला
बेकारको टन्टो

बेकारको टन्टो

अनिल कोइराला
धक्कामुक्की नै गरेर आउनू भन्या हो ? त्यस्तो त अलि नगरुँ होला !?

धक्कामुक्की नै गरेर आउनू...

राजेश मानन्धर (राजमान)
१८ का १८ ! हैन यो ट्रक साहित्य हो कि राजनीतिक साहित्य हो ?!

१८ का १८ !...

राजेश मानन्धर (राजमान)
यो उखान पनि पुरानो भइसक्यो ! अब अर्को नयाँ उखान भन्नु न बा !?

यो उखान पनि पुरानो...

राजेश मानन्धर (राजमान)
बिहे

बिहे

पूर्णप्रसाद ब्राह्मण
0
Would love your thoughts, please comment.x
()
x