तिजको नयाँ गीत
(पढ्न कत्ति पनि रुचि नभएका चेलीहरूले तीजमा गाउने गीत)
सूत्र पनि घोकिएन पढ्दा पनि आएन
यसपालीको परीक्षामा चोर्न पाएन ।
के के भन्छन् गुरुहरू दिमागमा घुस्दैन
अङ््ग्रेजी र अर्थशास्त्र हाम्लाई पुछ्दैन ।
धेरै गाह्रो पढ्नलाई बरु आँखा जुधाउने
हाम्ले पनि केटालाई अब कुदाउने ।
मोबाइल कति प्यारो बि.एफ.सित मिलाउँछ
एस एम एसले बरु थोरै राहत दिलाउँछ ।
कसलाई भन्नु अलि अलि “कुछ कुछ होता है”
उनैलाई सम्झिएर हरदम रोता है ।
क्याम्पस जानु भन्नु मात्रै छोटा लुगा लाएर
पर्छौं मख्ख हेरिदिँदा केटा आएर ।
जाँच दियो पाँच ओटा छ ओटामा लाग्दछ
कसोगरी पढ्नलाई जाँगर जाग्दछ ?
त्यत्रो पैसा बुझाएर टिउसन धाइयो
आखिर त परीक्षामा जिरो पाइयो ।
चितवन