रविन शर्मा चापागाइँके नै होला र खै
सरकारमा छन् बन्दुकधारी, के नै होला र खै !
अख्तियारमा भ्रष्टाचारी, के नै होला र खै !
पीडा बोकी बाँचेका छन्, चेलीहरू सधैँ
पुलिसमा छन् बलात्कारी, के नै होला र खै !
अशिक्षित र अदक्ष छन्, बुढाहरू हाम्रा
बोकेका छन् देशको भारी, के नै होला र खै !
संबिधान बनाउँन, लागे हुन्थ्यो युवा
बसेका छन् गोरु नारी, के नै होला र खै !
चुनाब जिती नेताहरू संसदमा पुगी
गर्छन् कुरा हावादारी के नै होला र खै !
जहदा, नवलपरासी
Subscribe
Login
0 Comments
Oldest
