के भएर निस्के ?
कठोर आलोचकहरू प्रशंसक भएर निस्के
निर्माणका पक्षपाती विध्वंसक भएर निस्के ।
मालिक बरु भलादमी कुकुरको बढ्ता डर भो
उनै प्रिय सूचनाका संवाहक भएर निस्के ।
जनता भनी नथाक्ने ती भाग्यदाता लाग्थे
सबैसबै अचम्म ! अराजक भएर निस्के ।
पैसा र पद रहेछ बिगार्ने मान्छेलाई
चिप्ला र मूर्ख आज प्रशासक भएर निस्के ।
हिजोका फुलबच्चा क्या मस्त अग्लिएछन्
भुइँफुट्टा बनेर आजै सर्जक भएर निस्के ।
ओखलढुङ्गा