नेपाली हास्यव्यङ्ग्य अनलाइन पत्रिका

फेरि नयाँ जाल छर्लास् खबरदार ! ए दलाल
सुस्ता बेच्ने कुरा गर्लास् खबरदार ! ए दलाल

बिकास गर्ने निहुँ पार्दै सन्धि अनि सम्झौतामा
हदै भन्दा तल झर्लास् खबरदार ! ए दलाल

तिमी नै हो माता हाम्रो तिमी पिता दाता भन्दै
दिल्लीको नै पाउ पर्लास् खबरदार ! ए दलाल

सर्बहारा जन्तालाई मुक्ति दिन्छु भन्दै हिँडी
रगतको खोलो तर्लास् खबरदार ! ए दलाल

जन्ता भुटी चेली लुटी कमाएको सम्पत्ति त्यो
बोकी सबै विदेश सर्लास् खबरदार ! ए दलाल

तेरा सबै चालामाला बुझिसक्यो ‘रबिन’ले
फेरि आफ्नै झोली भर्लास् खबरदार ! ए दलाल
जहदा, नवलपरासी