नेपाली हास्यव्यङ्ग्य अनलाइन पत्रिका

प्रेम ओली
खाऊ भने सरुवा हुने डर
नखाऊ भने छेरुवा भनिने डर
तिमीले मागेर खान्छौ होला
त्यसैले तिमीले खाएको घुस
आपूmले त पाईन्छ र खाइन्छ
त्यसैले आफूले खाएको खुस ।

नखानेहरू त यहाँ
न टिक्छ न बिक्छ
जस्ले खाँदैन खुवाइदैन
त्यसैलाई बिभागले झिक्छ
बिभाग पनि त खानेहरूकै हो
न खाने विचरा त त्यहाँ पनि
कसरी टिक्छ ?
त्यसैले नखानेहरूलाई
बिना बिभागीय नै ठिक छ ।।

हसुर्न सक्नेहरूलाई यहाँ
टनका टन घुस छ
त्यो पनि पचाउन नसक्नेहरूलाई
स्याउ अनारको जुस छ
नखाएर कस्को महल बन्छ र यहाँ ?
खान नसक्ने निमुखाहरू त छानामा फुस छ ।

यहाँ
खानेहरू बुद्धिमान
खानेहरूकै अभिमान
नखानेहरूको त बुद्धिमा भुस छ
खान सक्नेहरूलाई सधैँ वसन्त ऋतु
नसक्नेहरूलाई मात्र सधैँ पुस छ
दिनेले दिएकाछन् र खानेले खाकाछन्
दिनेले दिन्छ र खानेले खान्छ भने
नखानेहरूको मुख किन ठुस ठुस छ ।

खानेहरू यहा
सधै पार्टी भोजले फुस छ
नखानेहरू सग यहा
तल माथि सबैको तुस छ
त्यसैले
पाइन्छ भने
रोजी रोजी खाऊ
पाइन्न भने
खोजी खोजी खाऊ
तर जसरी पनि खाऊ
भुडी फुटने गरि खाऊ
वान्ता उठने गरि खाऊ
तर टन्न खाऊ
किनभने
खाने खुवाउनेहरू यहाँ
सधैँ खुस छ
नखानेहरूलाई यहाँ
कम्फु करातेको हुस छ ।

दाङ, हाल काठमाडौँ