नेपाली हास्यव्यङ्ग्य अनलाइन पत्रिका

जिल्लाका अड्डा
हाकिम बडा–बडा
नागरिकता लिने “विशेष” काम
ओइरिए प्रश्न कडा–कडा
तिनै प्रश्नले भरिदिए किस्नेको
मुत्राषयको घडा
शौचालयको खोज गर्यो तगडा
देख्यो “पेवा” चर्पीहरू
यता उता जतातता
जिल्ला प्रशासन,
मालपोत,
नापी,
आदिइत्यादि–
अनि, गल्ली चोक र अखडा
यत्रतत्र झुन्डिएका ताल्चा
खप्नै नसक्दा किस्ने
पर भित्तामा भयो खडा
गर्यो निउरमुण्टी र भयो हलुंगो –
अनि,
पुलुक्क हेर्यो नजिकैको चिया पसलमा
पसल्नी हेर्दै थिईन अन्तै, यताउता
मनमनै सोच्यो किस्नेले –
यो त जिल्ला हो नि !
लाज छोप्न सजिलो छैन नि !
धन्यवाद छ चिया पसल्नी !

२०७१ मङ्सिर, सिन्धुली