नेपाली हास्यव्यङ्ग्य अनलाइन पत्रिका

१.आखिरमा शक्ति पूजा अचम्म छ यहाँ
शक्ति भक्ति विचित्रले ढाकेको छ यहाँ !

२. शिर ठाडो पार्छु भन्छौ केले ठाडो पार्ने ?
नझुकेर हुँदै हुन्न ! यस्तै छ है यहाँ !

३. ठुला ठुला बोल यहाँ ठुला ठुला चाला
नदच्किई हुँदैहुन्न यस्तै छ है यहाँ !

४. अर्थ ठुलो अर्थ रे”छ बन्छ ठुलो खोलो
नबगेर कहाँ हुन्छ ? यस्तै जहाँ तहाँ !

५. तपस्वीको शास्त्र मात्र यहाँ चर्चा गर्छ !
व्यवहार सम्पन्नकै पूजा गर्छ यहाँ !

६. धनी मानी कमाउने शक्तिशाली अरे !
सती पनि पति भन्दा पर सर्ने यहाँ !

७. यता उता देश तथा विदेशमा पनि
अवसरखोजुवा नै ! यहाँ त्यहाँ जहाँ !

८. अवसरवाद जय ! जिन्दावाद स्वार्थ !
टोपी अग्लो ! कार तेर्सो ! जिन्दावाद यहाँ !
झर्रो नेपाली घर, चन्द्रगढी झापा