नेपाली हास्यव्यङ्ग्य अनलाइन पत्रिका

हे सृष्टिकर्ता
तिमीले मान्छेलाई
साँढे बनाएका हौ कि
साँढेलाई मान्छे
मलाई त साँच्चै
मान्छे र साँढे
छुट्टाउन गाह्रो भो
किन भने
मान्छेलाई हेर्यो
साँढे साँढे लाग्छ
फेरि साँढेलाई हेर्यो
मान्छे मान्छे लाग्छ
यसो हेर्दा
उस्तै उस्तै लाग्छ
किनभने
मान्छेलाई अब
कि मान्छेकै डर छ
कि साँढेकै डर छ
साँढेलाई पनि
कि मान्छेकै डर छ
कि साँढेकै डर छ ।
गहिरेर हेर्यो भने छाडा
कि मान्छे देखिन्छ
कि साँढे नै देखिन्छ
बाटोघाटो पनि
कि साँढेबाटै छेकिन्छ
कि मान्छेबाटै छेकिन्छ
अर्काको बालीनालीमा
कि साढेले देख्छ
कि मान्छेले टेक्छ ।
मान्छे साँढेमा
मान्छेले साँढे सानो देख्छ
साँढेले मान्छे सानो देख्छ
त्यसैले
दुईटैको नाम एउटै हो कि
एउटैको नाम दुईटा हो
मेरो कलम सधैं
अलमलिँदै लेख्छ ।
दाङ, हाल काठमाडौं