नेपाली हास्यव्यङ्ग्य अनलाइन पत्रिका

आफन्तलाई पराइ सम्झिने मन कस्तो होला ?
छुरा भन्दा चर्को रेट्ने बचन कस्तो होला ?

विश्वास नै हो सवै भन्दा ठुलो गुण भन्थे यहाँ
विश्वासमा नै धोका पाउँदा जलन कस्तो होला ?

सबैको हुन्छ रातो रगत मानव नाता भित्र
फेरी धनी गरीव छुट्याउने धन कस्तो होला ?

अचानोले के नै गरोस् खुकुरीले मार हान्दा
बाध्यताले गर्नै पर्ने सहन कस्तो होला ?

किन देख्दैनन् विवशता वेदना किन भन्दैनन्
कठै ! टुहुराको त्यो जीवन कस्तो होला ?
जोगीमारा–७, भारपाङ, धादिङ्ग