नेपाली हास्यव्यङ्ग्य अनलाइन पत्रिका

बम बन्दूकका ध्वंश, हटाई भोट हालियो ।
जन्मे फेरि उनै कंश, जनइच्छा त फालियो ।।
स्वास्नी साला र सम्धी वा, प्रेमिका अनि चाकर ।
समानुपातिके भाते, व्यापारी तुच्छ तस्कर ।। १।।

बङ्गारा नै पलाएन, बुद्धिसुद्धि जीरो भयो ।
नाता कुटुम्ब व्यापारी, दल खम्बा हुने भयो ।।
बाङ्गा पुच्छरका नेता, सोझिदैन कसै गरे ।
शीर्षका घाँटिमा घन्टी, बाधिदैन जसै गरे ।। १।।

युवा नेता कता छौ त, चाकडीचुक्ली काम हो ?
खहरे गड्गडाएझै, तिम्रा भाषण बन्न गो ।।
मिति गुज्री सकेका यी, शीर्षका पगरी थुत ।
हुतीहारा बनी बस्नु, युवा हौ प्रेत वा भूत ? ।। ३।।
धादिङ