नेपाली हास्यव्यङ्ग्य अनलाइन पत्रिका

हेटौंडा बजार पसेका गैंडा दाइको
अन्तरवार्ता लिंदै मैंले सोधें–
हजुर त राष्ट्रिय जनावरज्यू,
जंगलमा मंगल मनाउनु हुन्छ
हरियो सयमा त झन सुहाउनु हुन्छ
सबैले त्यही मन पराउनु हुन्छ
यस्तो जंगलको आनन्द छाडेर,
किन पस्नु भयो सहर
घमासान मचाउन ?
गैंडाले जवाफ फर्कायो,
हामी भन्दा त अचेल
तपाईंहरूनै घमासान मचाउनु हुन्छ
कुर्सी भाँच्नु हुन्छ– माइक फ्याँक्नु हुन्छ
म कहाँ हिँडेको घमासान मचाउन ?
म त हिँडेको छु राजधानी,
तपाईहरूले नभ्याएर
संविधान बनाउनमा केही भए पनि सघाउन ।
आखिर राष्ट्रिय जनावर भएपछि
हामीलाई पनि हाम्रो
राष्ट्रिय कर्तव्यको ज्ञान छ ।
ओहो के तपाईं कुनै चोरी शिकारी त होइन
म देख्दैछु भेटेदेखि नै तपाईंको
मेरो सिङतिरै मात्र ध्यान छ ?
भाग शा…!! फेरि हानिदिउँला नि ।
विराटनगर