धनराज गिरीकोही चाहिँदैन
टन्न दही खाएपछि मोही चाहिँदैन
पुगिसरी आएपछि कोही चाहिँदैन
अति भयो अत्याचार जब पोखरीमा
भन्नथाले माछाहरु गोही चाहिँदैन
थला पर्यो आजभोलि निकुञ्जको धुर्बे
सोझो भई भन्न थाल्यो ढोई चाहिँदैन
दिएँ धेरै साथीलाई काम लाग्ने कुरा
बिडम्बना, भनिदियो सोही चाहिँदैन
नयाँ नयाँ रामहरु आए शहरमा
घोर कलि, सीताजस्ती जोई चाहिँदैन ।
चितवन
Subscribe
Login
0 Comments
Oldest
