धनराज गिरीसमयले गोली दागेपछि
इनार खन्न थाल्छौं हामी आगो लागेपछि
निम्ता गर्छौं शान्तिलाई बुद्ध भागेपछि ।
खडेरी नै खडेरी छ कर्तव्यको गाउँमा
यस्तै हुन्छ एकोहोरो हक मागेपछि ।
मौनताको उल्टो अर्थ लगाउनु हुन्न
प्रलय नै हुनसक्छ लाटो जागेपछि ।
हेप्नुहुन्न चेप्नुहुन्न साना मान्छेलाई
गर्न सक्छन् जसो पनि हद नाघेपछि ।
दिक्क भई नयाँ पुस्ता बोके राहदानी
भाग्यमाथि समयले गोली दागेपछि ।
चितवन
Subscribe
Login
0 Comments
Oldest
