मरुभूमि नारायणआँखा लाग्छ
आँखा लाग्छ नै बोटमा केरा फलेपछि
ब्यूताउँनु पर्ला फेरि हेर्दाहेर्दै ढलेपछि ।
अँध्यारो समयमा छामछुम गर्न सजिलो
यथास्थानमा आइने झ्वाट्ट बत्ती बलेपछि ।
कहीं सोचेको हुन्न कहीं नसोचेको हुन्छ
लासै घरै ल्याए घाटमा सास चलेपछि ।
नराम्रो बानी पटक्कै एक्लै सुत्नै नसक्ने
भुइँमा झर्छ साथी ओछ्यानमा चलेपछि ।
कहाँबाट आउँछ पहाड भत्काउने शक्ति ?
भिटामिन खुवाउनु पर्छ लुत्रुक्क गलेपछि ।
हुरीका अगाडि खरानीको प्रतीक्षा नगर
लोग्नेले नै तिम्रो भाग्य अन्तै छलेपछि ।
तनहुँ
Subscribe
Login
0 Comments
Oldest
