नेपाली हास्यव्यङ्ग्य अनलाइन पत्रिका

जलस्रोतको धनी देशमा बसेर
बोटलको पानीले तिर्खा मेट्नु पर्छ
तपाईंकै जय होस्
ज्यु हजुर भनेर बाँच्नु पर्छ
कहिले होला प्रगतिको शिखर चुम्ने
नचाहँदा नचाहँदै यो मन भाँच्नु पर्छ.
हे, युवा तिम्रो हात–गोडामा यति तागत छ
तिमी जुरुक्कै उठ
एमआरपी बनाउने भिडमा होइन
देशको धरोहर निर्माण गर्न जुट
तिमीले चाह्यौ भने
हावा रोकिन सक्छ
सूर्य छेकिन सक्छ
इतिहास लेखिन सक्छ
अन्तरदृष्टि हौ तिमी
दूर भविष्य देखिन सक्छ ।
धादिङ